SA wakas, makakauwi na sa kanilang tahanan sa Manila si Kris Aquino kasama ang kanyang dalawang anak.
Makalipas ang halos tatlong buwan, nagpaalam na ang mag-iina sa mga nakasama nila sa isang beach resort sa Puerto Galera kung saan sila nag-stay habang may enhanced community quarantine.
Nag-post ng litrato si Kris sa kanyang Instagram account na kuha sa dalampasigan bago sila tuluyang umalis sa Puerto Galera.
Aniya sa caption, “We got all our clearances & permits, now we’re ready for the 1st part of our journey HOME! Just in time for kuya’s birthday tomorrow. (A special thank you to WBR [Willie Revillame] for letting @checkticsay & randy, aka ‘hello kitty’ stay to help us.)
“It’s been almost 3 months but everyone at Sunset & the Puerto Galera LGU really made us feel welcome. (Thank you to Doc Oca for helping mend my left hand & Doc delos Reyes for regularly checking kuya josh, bimb, and me),” mensahe pa ng TV host-actress.
Kung matatandaan, nagbabakasyon sa Boracay si Kris kasama sina Joshua at Bimby nang ipatupad ang community quarantine dulot ng COVID-19 pandemic.
Mula sa Bora, tinulungan sila ni Willie Revillame na makalipat sa pag-aari niyang beach resort sa Puerto Galera kung saan sila nag-stay nang ilang linggo.
Naiwan sina Kris sa Puerto Galera para manatili pa roon ng ilang linggo dahil sa ECQ habang si Willie ay bumalik na ng Manila para makapag-show nang live sa Wowowin.