2 huli sa P340K shabu

ARESTADO ang dalawang lalaki na nahulihan umano ng P340,000 halaga ng shabu sa Quezon City kahapon.

Kinilala ang mga suspek na sina Jeffrey Sabuga, 34, ng Brgy. Old Balara at Jamil Maruhom, 28, ng Brgy. Holy Spirit.

Isang poseur buyer umano ang nakabili ng P21,000 halaga ng shabu sa mga suspek alas-4 ng hapon sa Congressional Ave. Extension, Brgy. Pasong Tamo.

Nang maaresto ay nasamsam umano sa mga suspek ang 50 gramo ng shabu na nagkakahalaga ng P340,000.