Kathryn
MAS fit, mas healthy at super sexy na ngayon ng tinaguriang Queen of Hearts na si Kathryn Bernardo.
Simula nang ipatupad ang enhanced community qurantine sa bansa dulot ng killer virus kinarir na ni Kathryn ang pagwo-workout on a regular basis.
Almost three months na niyang inaalagaan nang bonggang-bongga ang kanyang health kaya ang resulta, ang mas fit and fab niyang katawan.
Sa kanyang Instagram account, ibinahagi ng girlfriend ni Daniel Padilla ang ilang litrato na kuha after doing workouts online kasama ang kanyang mga kaibigan na halos araw-araw nilang ginagawa.
Nagbigay din siya ng payo sa lahat ng kanyang fans and followers kung paano magsimula sa pagwo-workout at kung paano ito mae-enjoy kasama ang mga kaibigan sa pamamagitan ng online classes.
Caption ni Kathryn sa kanyang IG photos, “Warning: Kaartehan post-workout selfies ahead!
“Ever since the lockdown began, I swore to myself that I will work out at least 3x a week to keep my body healthy (and to offset all those junk I eat) especially at a time like this.
“Thanks to online and zoom workout classes, I actually ended up working out almost every day!
“You just need to find out the right fitness routine for you, and i swear, you’ll enjoy the process along the way.”
Narito naman ang advice niya sa mga gustong maging fit and healthy kahit nakatambay lang sa bahay, “Tip: Start with 15mins per day first and adjust it from there based on what your body can handle!
“There are lots of free ab/full-body workout routines that you can check on YouTube for reference,” aniya pa.
Pinusuan at ni-like ng libu-libong netizens ang mga IG photos ni Kathryn at nagsabi pang gagayahin nila ang ilang workout routines ng dalaga.