Babalik si mr.

Sulat mula kay Nina ng Barangay Tinagacan, General Santos City Dear Sir Greenfield, Napakalaki po ang problema ko. Iniwan na kami ng asawa ko at sumama siya sa kanyang huling babae. Naiwan sa akin ang mga anak ko. Apat na buwan na siyang hindi nagpapakita. Hindi rin siya nagte-text sa amin, kahit pangungumista man lang sa aming kahirapan. Hindi ko na alam kung ano ang gagawin sa buhay. Mahal na mahal ko po siya at gusto ko na pong bumalik siya para muling mabuo ang aming pamilya. Sir Greenfield may alam ka bang gayuma o orasyon para mapabalik ko na ang aking asawa sa aming bahay? Umaasa, Nina ng Barangay Tinagacan, General Santos City Solusyon/Analysis: Palmistry: Kahit naman pabalikin mo siya o hindi, kusa rin siyang uuwi ng iyong bahay pagdating ng panahon. Ito ang nais sabihin ng iisa lang naman na Marriage Line (Illustration 1. arrow 1.) sa iyong palad. Tanda na isang beses ka lang makapag-aasawa at iyon ay magiging panghabambuhay na. Cartomancy: “Pansamantalang pagsubok lamang ang nararanasan ng inyong pamilya sa kasalukuyan” – ang nais sabihin ng barahang Queen of Spades, Eight of Hearts at Queen of Diamonds, kung saan, sa buwan ng Agosto, tiyak na muling babalik ang iyong asawa sa piling nyo, magpapakatino na siya, kaya sa panahong iyon lalong uunlad at higit na mas magiging maligaya ang inyong pamilya. Itutuloy….