Vin-Aljur
SINUBUKAN na rin ng Kapamilya star na si Vin Abrenica ang pagla-live sa kanyang Facebook sa tulong ng kapatid na si Aljur Abrenica.
Sinimulan niyang gawin ito sa mismong araw ng kanyang ika-29 kaarawan noong Biyernes.
Sa umpisa ng kanyang video ay winelkam ni Vin ang mga followers niya sa FB, “Cheers, guys!”
“Sayang, bawas na yung handa. But this is what I have for my grand birthday. Dahil special day ko today so, I have my special request, baby backribs. Bigay to sa akin ni Tita Linda. So good. The best,” kuwento niya.
Hindi kami pamilyar sa Tita Linda na tinutukoy ni Vin na nagbigay sa kanya ng baby backribs. Duda namin baka siya ang mother ng girlfriend ni Vin, ang Kapuso star na si Sophie Albert.
Pero sa sepatate na Facebook live ni Aljur during Vin’s birthday celebration, may nabanggit ang mister ni Kylie Padilla na nasa Reyes residence siya that time.
Sa mga hindi pa nakakaalam, ang real name ni Sophie ay Bianca Reyes. Ibig kayang sabihin ay sa bahay nina Sophie nag-celebrate ng birthday si Vin?
Why not, coconut? Wala namang masama kung doon siya mag-party kung gusto naman ng may-ari ng bahay.
O, pwede rin naman na baka yun ang special birthday treat ni Sophie kay Vin since nasa quarantine pa ang Metro Manila.
Wala namang ibang guest si Vin na nakita sa kanyang Facebook live kundi si Aljur at ang anak nila ni Kylie na si Alas Joaquin na lumalaking kamukha ng kanyang lolo na si Robin Padilla.
In the middle of Vin’s FB live ay si Aljur naman ang pinagsalita niya dahil hindi pa siya sanay na “tumokis” (read: magsalita) sa harap ng kanyang followers.
“Guys, first time kasi ni Vin na mag-live, e, I’ve been doing it for a while. Sabi ko, it’s your birthday. Sabi ko, quarantine. He just feel so ano, grateful right now. Sabi ko, let’s spread, i-celebrate natin ang birthday mo kasama yung mga supporters and friends mo,” mensahe ni Aljur.
Pinayuhan din ni Aljur si Vin kung ano at kailan ang best time for him para mag-Facebook live.
“I was telling this guy when you do workouts, do it live, man. Do you want to see my brother doing workouts live?” tanong ni Aljur sa followers ni Vin.
Sabi pa ni Aljur, “Kasi sabi ko, ngayon lang kami nagkita, actually, sa buong quarantine. Sabi ko, you do live para makita yung mga workouts mo. Para makita ko kung talagang mas malakas ka na sa akin or ako pa rin, di ba? Wala kaming competition. Pero mas malakas pa rin ako. Ha-hahaha!”
Hindi naman napigilan ni Vin na ilabas ang kanyang nararamdaman sa pagse-celebrate ng kanyang birthday.
“Kumusta naman ang birthday ko nu’ng quarantine? I’m telling you guys, it’s the best birthday I had. And I’m not joking,” diin pa ni Vin.
Naku, hindi kaya nag-propose na siya kay Sophie? Yan ang dapat nating abangan.