Lovi
“Kain, kain…sige kain pa!”
Yan ang inamin ng award-winning Kapuso actress na si Lovi Poe mula nang magsimula ang enhanced community quarantine sa bansa dahil sa COVID-19 crisis.
Ayon sa dalaga, ito rin ang dahilan kung bakit kinakarir din niya ang pagwo-workout araw-araw, kailangang ma-burn ang lahat ng kinakain niya — para “it’s a tie.”
Sa panayam ng TV host na si Tim Yap kay Lovi sa kanyang online vlog, natanong kung ano ang nagbibigay sa kanya ng motivation para mapanatili ang kanyang seksing katawan.
“Maybe because I eat like crazy too. Wala akong choice, kasi kung hindi, oh my, God!
“‘Yung sitwasyon natin ngayon, it’s really stressful and I am the type to, you know, binge eat when I’m stressed and when I’m feeling down.
“At the same time I just like to try to make up for it by working out,” paliwanag ng Kapuso star na kahit kumain nga nang kumain ay seksing-seksi pa rin.
Samantala, naikuwento rin ni Lovi ang dahilan kung bakit bigla siyang umalis sa Pilipinas last year at manirahan nang ilang buwan sa Los Angeles, California.
Aniya, gusto lang niyang maiba muna ang takbo ng buhay niya dahil halos tuluy-tuloy ang pagtatrabaho niya sa loob ng 15 taon, kailangan muna niyang makapagsolo at mag-recharge.
“My life in L.A., I went there and I took a break from work, siguro kasi I have been doing it for like what 15 years.
“So I was just like, I think it’s time for me to just you know hit the reset button.
“I was there for like almost six months and it was nice, kasi you know, to be able to replenish your soul again and nung pag-uwi ko dito sa Manila to get back to work, parang I feel the excitement I felt when I was starting again.
“So that’s exactly what I needed. So that’s why I took a break for like a few months,” paliwanag ng aktres.