P850K shabu nasamsam sa kelot

ARESTADO ang 27-anyos na lalaki at narekober umano sa kanya ang P850,000 halaga ng shabu sa Parañaque City kahapon.

Kinilala ang naaresto na si Alex Canao, walang trabaho, at Muslim Compound, Tramo st., Brgy. San Dionesio.

Isang buy-bust operation ang inilungsad laban sa suspek alas-12:30 ng hapon sa tapat ng Kimjay Fruit Shake stand malapit sa Brgy. San Dionesio.

Nakabili umano ng P200,000 halaga ng shabu ang poseur buyer sa suspek.

Nakuhanan pa umano ang suspek ng 125 gramo ng shabu.