HINDI man nagkikita-kita ang Eat Bulaga Dabarkads mula nang ipatupad ang enhanced community quarantine, may kanya-kanya silang paraan para iparamdan ang malasakit at pagmamahal sa isa’t isa.
Recently lang, muling pinatunayan nina Ruby Rodriguez at Ryan Agoncillo na ang kanilang friendship ay beyond work.
Matapos ma-confine sa ospital dahil sa inindang stomach pain, nakatanggap ng masarap na regalo si Ruby mula sa mag-asawang Ryan at Judy Ann Santos.
Sa kanyang Instagram post, nagpasalamat ang TV host-comedienne kina Juday at Ryan matapos matanggap ang ipinadala sa kanyang adobo.
“Sometimes being sick has its perks! I’m so spoiled with my friends. I cannot fathom this feast from @officialangrydobo from @ryan_agoncillo @officialjuday looks like the little insy weight I lost will be gained! Love you bro!
“Thanks Ms. Juday! I know Canneloni is still the best hehehehe *wink wink* but eating your yummy mouth watering food from Angrydobo is a heavenly treat!”
Kasalukuyang nagpapagaling si Ruby sa kanyang bahay matapos ma-discharge sa ospital.
Samantala, kahit tigil pa rin ang live episode ng Eat Bulaga, mapapanood pa rin ang replay ng noontime show tuwing hapon sa GMA Network
* * *
Walang patid sa pagbibigay ng good vibes ang sexy tandem ng Team KimPao at Team FayeChie online!
Ang “The Ultimate Showdown of the Sexiest and Funniest Bubble Gang Duo!” kung saan tampok sina Kim Domingo, Paolo Contis, Faye Lorenzo, at Archie Alemania ay mayroon ng mahigit one million views.
Wala pang isang buwan nang ito ay ma-upload sa YouTube ay nakakuha na ito ng maraming views.
Siguradong mas maraming nakakaaliw at nakakatawang videos pa ang paparating mula sa inyong paboritong Kapuso comedians at comediennes, mga Ka-YouLol, kaya naman huwag kalimutang i-click ang subscribe button para laging maging updated!.