3 huli sa P340K shabu

ARESTADO ang tatlo katao na nahulihan umano ng P340,000 halaga ng shabu sa isang buy-bust sa Quezon City kahapon.

Kinilala ang mga suspek na sina Maria Aurea Marcelo, 52, Arisa Carla Oblifias, 18, mga residente ng Brgy. Krus Na Ligas at Ralph Reyes, 48, ng Pasay City.

Nagsagawa ng operasyon ang pulisya alas-3 ng hapon sa tapat ng isang restaurant sa Maginhawa st., Brgy. Teacher’s Village East.

Nakuha umano sa mga suspek ang siyam na sachet ng shabu na tumitimbang ng 50 gramo.