SINABIHAN ng Malacañang ang Catholic Bishops’ Conference of the Philippines na makipag-ugnayan sa Inter-Agency Task Force para pag-usapan ang magiging physical distancing protocols sa mga religious gatherings para maiwasan ang pagkalat ng coronavirus disease.
“Inaanyayahan po namin ang Simbahang Katolika na makipag-ugnayan hindi lamang po sa local government units kung paano ipatutupad ang social distancing. Siguro ‘yung CBCP can officially communicate with IATF kung paano nila gagawin po ‘yan” ani presidential spokesperson Harry Roque sa press briefing nitong Lunes.
Ito ay bilang sagot kay Manila Archdiocese Apostolic Administrator Bishop Broderick Pabillo na pagbabawal sa mga religious gatherings ay ‘unreasonable’.
“The IATF came out with a recent decision that set the parameters for activities for the Modified Enhanced Community Quarantine (MECQ) and the Modified General Community Quarantine (MGCQ). In the church we are happy that in both, religious activities are allowed. But at the same time the limitations they set to religious activities are unreasonable – 5 persons for MECQ and 10 persons for MGCQ! It is just another way of saying that you do not have religious activities.” ani Pabillo.
Dagdag ni Pabillo hindi man lang sila kumunsulta sa mga church leaders patungkol dito.
