Liquor ban, curfew tuloy sa San Mateo

TULOY ang pagpapatupad ng liquor ban at curfew sa San Mateo, Rizal.

Kahit nasa ilalim na ng General Community Quarantine ang bayan ng San Mateo hindi pa rin papayagan ang bumili at uminom ng alak.

Ang curfew ay ipatutupad pa rin mula alas-8 ng gabi hanggang 5 ng umaga.

Ang pagpapatuloy ng polisiyang ito ay alinsunod sa resolution na napagkasunduan ng mga kapitan ng barangay, Municipal Disaster Risk Reduction Management Council at San Mateo Task Force COVID-19.

Ang resolusyon ay ipinadala kay Mayor Cristina Diaz bilang basehan ng gagawin nitong executive order para sa pagpapanatili nabanggit na polisiya.

Ayon sa datos, kahapon ay 26 ang kumpirmadong kaso ng COVID-19 sa San Mateo. Mayroon ng 12 gumaling at anim ang nasawi.