Jail
KALABOSO ang anim katao sa magkakahiwalay na operasyon ng pulisya sa Quezon City.
Nahuli ng La Loma Police sina Roland Tubillara, 26, alas-10:30 kagabi sa Matutum St. Brgy. Manresa. Nagpapatrolya umano ang mga pulis nang makita nila ang suspek. Nang kapkapan ay nasamsam umano rito ang limang sachet ng shabu na nakalagay sa makeup kit.
Sa Masambong Police naman dinala ng mga tanod si Paul Mauricio, 40, matapos umanong makuhanan ng isang sachet ng shabu alas-10:30 kagabi sa Isabela st., Brgy. Ramon Magsaysay.
Nahuli naman sa buy-bust operation ng Talipapa Police si Manolo Reyes, 57, alas-7:30 ng gabi sa Francisco st., Banlat Rd., Brgy. Tandang Sora. Nasamsam umano sa kanya ang pitong gramo ng shabu na nagkakahalaga ng P47,600.
Sa buy-bust operation nahuli ng Kamuning Police sina Jerico Mandapat, 27, at Juanmar Del Rosario, 27, alas-6:45 kagabi sa Kalayaan Ave., Btgy. Pinyahan. Narekober umano sa kanila ang P34,000 halaga ng shabu.
Sa isa pang operasyon, nahuli naman si Ralph Christopher Del Rosario, 35, alas-7:30 kagabi sa Kalayaan Ave. Brgy. Central. Narekober umano sa kanya ang P13,000 halaga ng shabu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.