INAASAHANG magla-landfall sa Real o Infanta, Quezon ang bagyong Ambo sa pagitan ng 5 ng hapon hanggang 7 ng gabi.
Ito ang magiging ika-pitong landfall ng bagyo mula kahapon, ayon sa Philippine Atmospheric Geophysical and Astronomical Services Administration.
Bahagyang humina ang bagyo na umaabot sa 100 kilometro bawat oras ang bilis ng hangin at pagbugsong 140 kilometro bawat oras.
Umuusad ito sa bilis na 20 kilometro bawat oras patungong hilagang kanluran.
Kaninang alas-4 ng hapon ang bagyo ay nasa layong 40 kilometro sa kanluran ng Infanta, Quezon.
Nakataas ang Tropical Cyclone Warning Signal no. 2 sa Ilocos Norte, Ilocos Sur, La Union, Apayao, Abra, Kalinga, Mountain Province, Ifugao, Benguet, silangang bahagi ng Pangasinan (San Nicolas, Natividad, San Quintin, Umingan, Balungao, Sta. Maria, Tayug, Asingan, San Manuel, Binalonan, Laoac, Urdaneta, Villasis, Rosales, Sto. Tomas, Alcala, Bautista, Bayambang, Urbiztondo, Basista, Malasiqui, Sta. Barbara, Manaoag, Mapandan, San Jacinto, San Fabian, Pozorrubio, Sison, Mangaldan, Dagupan, Calasiao, Binmaley, Lingayen, Bugallon, Aguilar, San Carlos, Mangatarem), Tarlac, Pampanga, Metro Manila, Bulacan, Laguna, Cavite, Batangas, Rizal, Marinduque, hilagang bahagi ng Quezon (General Nakar, Infanta, Real, Mauban, Sampaloc. Lucban, Tayabas, Sariaya, Candelaria, Dolores, Tiaong, San Antonio, Lucena, Pagbilao, Atimonan, Padre Burgos, Agdangan, Plaridel, Unisan, Gumaca, Pitogo, Macallelon, General Luna, Catanauan, Lopez, Buenavista, Guinayangan, Calauag, Tagkayawan, Perez, Alabat, Quezon), Polillo Islands, the western portion of Camarines Norte (Santa Elena, Capalonga), Nueva Ecija, Nueva Vizcaya, Aurora, Quirino, kanlurang bahagi ng Isabela (Quezon, Mallig, Roxas, Quirino, San Manuel, Burgos, Gamu, Reina Mercedes, Aurora, Luna Cabanatuan, Naguilian, Benito Soliven, Cauayan, San Guillermo, Dinapugue, San Mateo, Alicia, Angadanan, Ramon, San Isidro, Echague, Jones, San Agustin, Santiago, Cordon).
TCWS no. 1 naman sa Cagayan kasama ang Babuyan Islands, Batanes, Zambales, Bataan, iba pang bahagi ng Pangasinan, Isabela, Quezon, Camarines Norte, kanlurang bahagi ng Camarines Sur (Del Gallego, Ragay, Lupi, Sipocot, Libmanan, Cabusao), at hilagang silangang bahagi ng Oriental Mindoro (Puerto Galera, San Teodoro, Baco, Calapan, Naujan, Victoria, Socorro, Pola).