PAPAYAGANG magtinda ang mga street vendors sa lugar na nasa ilalim ng modified enhanced community quarantine, ayon sa Palasyo.
Sinabi ni presidential spokesperson Harry Roque kung papayagan ang paglabas ng ilan para mag ehersisyo, puwede rin ang pagtitinda basta mababantayan pa rin ang social distancing.
“Alam niyo kasi kung pinapayagan na yung paglabas ng bahay para mag-exercise, tumakbo, magbisikleta, so sa tingin ko, pupwede na basta ‘wag lang sila kukumpol-kumpol. ‘Yan po ang iniiwasan natin.” ani Roque sa interview sa GMA-7.
Ang pagjojogging, bisekleta at ilang limitadong pag-eehersisyo sa labas ay papayagan sa ilalim ng MECQ.
Magsisimula ang MECQ sa Metro Manila, Laguna at Cebu City sa May 16.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.