Kelot kulong sa 27 bote ng alak

ARESTADO ang 51-anyos na lalaki na may dala umanong 27 bote ng alak sa Quezon City kagabi.

Si Elpidio Perdigon Jr., 51, ng Rosal st., Brgy. Old Capitol Site, ay inireklamo ng paglabag sa liquor ban.

Dumaan umano ang suspek sa quarantine control point sa Brgy. Old Capital alas-6 ng gabi sakay ng motorsiklo.

Nang usisain ang kanyang dala ay nakita ng pulisya ang tatlong kahon na may lamang 27 bote ng 350 ml na GSM.