NAHAHARAP sa kasong parricide ang 25-anyos na lalaki na pinatay sa saksak ang kanyang ina na pinagbawalan siyang lumabas ng bahay dahil sa enhanced community quarantine sa Brgy. Mambaling, Cebu City kahapon.
Nadakip si Johnrey Bacsal nang tangkain niyang takasan ang mga tanod na nagbabantay sa kanilang lugar sa Sitio Alaska.
Ani Capt. Francis Renz Talosig, hepe ng Mambaling Police Station, natagpuan ng mga tanod ang duguang bangkay ng biktima na sin
Anelita Andoque, na nagtamo ng saksak sa leeg.
Bago ang pagpatay ay narinig na nagsasagutan ang mag-ina dahil sa kagustuhan ni Bacsal na lumabas ng bahay pero hindi pinayagan ng ina.
“This may have been the motive of the crime but we are still conducting further investigation to find out the exact motive,” ani Talosig.
Tinitingnan din ng pulisya ang ulat na nawala sa katinuan ang pag-iisip ni Bacsal matapos ma-depress nang hindi makahanap ng trabaho bilang seaman. –CDN