KAHIT stuck at home dahil sa enhanced community quarantine si Kapuso star Winwyn Marquez, masaya pa rin niyang ipinagdiwang ang kanyang 28th birthday kasama ang pamilya.
May realization din ang Kapuso star sa kakaiba niyang birthday experience ngayong panahon ng pandemic.
“This is not the birthday I planned but I am happy to have spent it at home with my family and got connected with some family members and friends throughout the day through different platforms,” ani Winwyn.
Para sa kanyang birthday wish, nais ni Winwyn ang kaligtasan ng lahat pati na rin ang tuluyang pagtigil ng sakit na COVID-19.
“When I blew my candle, all I wanted is for everyone to stay healthy and safe, and that this pandemic will end. Let us not allow fear and anxiety to rule over us,” sabi ng dalaga.
Hindi man nakapagdiwang sa labas ng kanyang tahanan, inulan naman ng birthday greetings si Winwyn mula sa kanyang kapwa Kapuso artists gaya nina Rodjun Cruz, Pancho Magno at Rochelle Pangilinan.
* * *
Speaking of Rodjun Cruz, patuloy pa rin ang kanyang pagtulong kasama ang asawang si Dianne Medina sa frontliners at higit na apektado ng COVID-19 pandemic.
Sa Instagram post ng nagdadalang-taong si Dianne, ibinahagi nito ang pakikiisa nila sa BAYANIHAN PH na isang grupo ng kabataan na tumutulong sa frontliners at underprivileged communities.
Aniya, “Ever since this crisis hit us, I really wanted to help in my own little way. Since I am pregnant, I am not allowed to go outside.
“The reason why I’m online selling items is because this the only way I can help in my own little way — to help the workers, sewers, delivery drivers, and their families who don’t have work,” ani ni Diane sa kanyang Instagram post.
Nitong nagdaang araw, nag-promote rin sina Diane at Rodjun ng reliable and waterproof personal protective suits (PPE) na gawa ng local residents.
Patunay lang ang Kapuso couple na hindi hadlang ang quarantine upang magpaabot ng tulong sa mga nangangailangan.