3 refrigerated container van ipinahiram ng DoTr sa mga magsasaka, mangingisda

NAGPAHIRAM ng tatlong refrigerated container van ang Department of Transportation upang may mapaglagyan ng produkto ang mga magsasaka at mangingisda.

Ang tinaguriang “Palamigan ng Bayan” ay ipinahiram ng DoTr sa Cebu provincial government.

Ang tatlong refrigerated container van ay maaaring imbakan ng mga gulay at prutas, meat products at iba pang pagkain upang hindi mabulok.

Isa sa mga container vans ay inilagay sa Remigio Fish Port at ang dalawa ay nasa Cebu South Bus terminal na gagamitin naman ng mga nagtitinda sa Provincial Bagsakan Central.