ELLEN ADARNA
MAY “ideal husband” din pala ang dating partner ni John Lloyd Cruz na si Ellen Adarna.
Sa kanyang pa-Q&A session sa Instagram kahapon, sinagot ni Ellen ang mga tanong ng netizens kabilang na ang tungkol sa love and relationship.
May nagtanong kung meron ba siyang hinahanap sa isang lalaki na gusto niyang pakasalan.
Tugon ng dating sexy star, “I think you don’t need a perfect guy. You just need to find someone who you are compatible with.”
Mas may dating ba sa kanya ang gwapo at sexy kesa sa ugali o pagkatao? “Both kay kapoy na mag-settle day kung alanganin (Both kasi nakakapagod na mag-settle inday kung alanganin).”
Dugtong pa niya, “Values jud day. If there is anything na akong nakat-unan, non-negotiable jud na ang values, ang roots. It’s very important na pareha mo. (Values talaga Inday. If there is anything na natutunan ko, non-negotiable talaga ‘yung values, ang roots. It’s very important na parehas kayo).”
Paano naman niya hina-handle ang heartbreaks o pagkabigo sa pag-ibig? “Heartbreaks are just temporary. If you work hard to be a strong and independent woman, it can’t be forever.”
Isang follower naman niya ang nagtanong kung ano ang masasabi niya kapag toxic ang relasyon, “If you really love yourself, you shouldn’t be in it.”
Ano ang maipapayo niya sa mga babae para maging “strong” at “independent” after ng failed relationship? “Heartbreaks are just temporary. If you work hard to be a strong ang independent woman, it’s gonna be forever.”
At sa question na, why do people cheat? “Hindi sila kuntento. Dili na nimo problema that’s their problem. You just have to deal with the pain and go through it with composure.”
Kamakailan, inamin ni Ellen na she’s into a long-distance relationship with a foreigner, “Yes I am dating someone right now. He’s from Spain. Afam. Ha-hahaha!
“It’s a long-distance relationship. It actually works well for me because I have to spend time with my son. It works well for me. I’m not hassled at all,” sey pa ni Ellen.