ARESTADO ang apat katao, na ginawang pang-deliver ng droga ang ambulansya, sa buy bust operation sa Sta. Cruz, Maynila.
Kinilala ang mga nadakip na sina Oliver Dalena, 44; Ericson Diaz, 32; Alex del Mundo, 22; at Dean Patrick Marquez, 30, pawang mga taga-Caloocan City.
Nakuha sa kanila ang hinihinalang droga na nagkakahalaga ng P81,000.
Ayon sa pulisya, ginamit ng apat ang ambulansya ng Brgy. 166, Caybiga, Caloocan City para makalusot sa mga checkpoint at makarating sa Bambang st., Sta, Cruz, Maynila, kung saan ikinasa ang buy bust.
Kinumpiska ng pulisya ang ambulansya, isang Mitsubishi FB van (C277).
Hinihinala na ginagamit talaga ng mga suspek ang ambulansya sa pagde-deliver ng droga mga suspek. –Radyo Inquirer
MOST READ
LATEST STORIES