ARESTADO ang isang lalaki na nambabasag umano ng salamin ng sasakyan para manakaw ang gamit sa loob sa Quezon City kahapon.
Naaresto si Gemar Garcia, 31, construction worker at ng Palochina st., Sitio San Roque, Brgy. Bagong Pag-asa, alas-12:30 ng hapon matapos umanong basagin ang salamin ng bintana ng isang Toyota Corolla (AAY 5082) gamit ang isang screw driver.
Nakaparada ang sasakyan sa Alley 27 Brgy. Project 6. Kinuha umano ng suspek ang wallet, sunglass at ilang DVD disc sa loob ng sasakyan.
Tumunog ang alarm ng sasakyan kaya lumabas ang may-ari na si Maria Lourdes Reina Sison, 43, Assistant Sales Manager, at nakita umano nito ang suspek na papatakas.
Hinabol ng biktima ang suspek na naaresto ng Masambong Police.
Narekober umano kay Garcia ang backpack na naglalaman ng Nine West Wallet na may identification card ni Sison, ilang DVD, screw driver at a M203 Grenade Launcher.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.