71-anyos na babae namatay sa sunog

ISANG 71-anyos na babae ang nasawi sa isang sunog sa Muntinlupa City kanina.

Kinilala ang nasawi na si Zenaida Solema, ng Saint Rose st., JPA Subd., Tunasan.

Nagsimula ang sunog alas-8:04 ng umaga sa kuwarto ng bahay na pagmamay-ari ni Rolando Solema Jr., 35.

Hindi kumalat sa ibang bahay ang sunog na naapula alas-8:48 ng umaga.

Nagkakahalaga ng P300,000 ang halaga ng pinsala.