KALABOSO ang apat katao at nasamsam umano ang P1.1 milyong halaga ng shabu sa kanila sa magkahiwalay na operasyon sa Quezon City.
Naaresto ng Novaliches Police si Bryan Carreon, 22 at Luigi Gines, 23, mga taga- Brgy. Pembo, Makati City, alas-7:20 kagabi sa tapat ng convenience store sa Forest Hills Subd., Brgy. Gulod, Novaliches.
Nakabili umano ang poseur buyer sa mga suspek ng P70,500 halaga ng shabu. Nang maaresto ay nasamsam pa umano sa kanila ang 150 gramo ng shabu na nagkakahalaga ng P1.020 milyon.
Nasakote naman sina Edmond Lonquias, 23, at Ernesto Ducado 38, mga taga-Brgy. Bag-Bag, Novaliches, alas- 8:30 kagabi sa Abby Road Mangahan, Brgy. Bag-Bag.
Nasamsam umano sa kanila ang P136,000 halaga ng shabu na may timbang na 20 gramo.
MOST READ
LATEST STORIES