Container vans
GINAGAWA nang mobile health facility ng Department of Public Works and Highways ang mga shipping containers.
Ayon kay DPWH Sec. Mark Villar may nagawa ng prototype ng health facility ang DPWH-National Capital Region.
“While spread of infection seems to have slowed down because of the enhanced community quarantine, we just have to be ready in the event that the situation worsens,” ani Villar.
Ayon kay Villar gumawa ang ahensya ng design plans para sa apat na 40-footer container van na pinagdugtong-dugtong upang maging field hospitals para sa isolation at paggamot sa 16 na pasyente.
Ang isang 40-footer ay hinahati sa apat na kuwarto alinsunod sa guidelines ng Department of Health.
Gumawa rin ng plano ang DPWH para sa 20-footer container para magawang nurse stations, utility room at temporary quarters ng mga healthcare workers.
“We’re ready to convert these containers into mobile hospitals and install them in any available hospital grounds or open public spaces,” ani Villar.