Mall
NANINIWALA si COVID-19 czar Secretary Carlito Galvez Jr. na mas maraming Pilipino ang dadapuan ng virus kung bubuksan muli ang mga mall sa bansa.
Ani Galvez sa panayam ng Dobol B sa News TV: “Sa personal opinion ko, kapag binuksan agad natin ang mga mall posibleng magkaroon ng second wave ng COVID-19.
Ito ang naging tugon ni Galvez sa suhestiyon ni Presidential Adviser on Entrepreneurship Joey Concepcion na maaaring simulan na ang unti-unting pagbubukas ng mga mall.
Nais din ni Concepcion na pumasada na ang mga pampublikong sasakyan, buksan ang mga pabrika at ipagpatuloy ang pagtatayo ng mga gusali.
Hindi naman pabor dito si Galvez, na sinabing napagkasunduan ng Inter-Agency Task Force on Emerging Infectious Diseases na hindi pwedeng madaliin ang pagbabalik sa normal ng buhay ng mga Pinoy.
“Kapag binuksan natin ang lahat ng negosyo maaaring malagay sa [panganib] ang kalusugan ng mamayan,” aniya.