70-anyos na babae patay sa sunog

ISANG 70-anyos na babae ang nasawi sa sunog sa Maynila kanina.

Ayon sa Bureau of Fire Protection, namatay si Helen Alvarez, 70, na hindi na nakalabas sa kanyang bahay.

Nagsimula ang sunog alas-11:48 ng umaga sa bahay ng nasawi sa Agusto Arellano, Brgy. Sta. Ana.

Mabilis umanong kumalat ang apoy sa tatlong palapag na bahay na naapula alas-12:40 ng tanghali.

Apat na pamilya umano ang nakatira sa bahay.

Inaalam pa ang halaga ng pinsala at pinagmulan ng sunog.