4 bahay nasunog sa Paranaque

NASUNOG ang apat na bahay sa Parañaque City kanina.

Nagsimula ang sunog sa ikatlong palapag ng bahay na pagmamay-ari ni Nida Corpuz sa Chico st., Sampaloc Site 2, Brgy. BF Homes alas-12:50 ng tanghali.

 Kumalat ang apoy sa mga katabing bahay.

Naapula ang apoy alas-1:38 ng hapon.

Tinatayang 10 pamilya ang naapektuhan ng sunog. Nagkakahalaga ng P40,000 ang pinsala.

Walang napaulat na nasaktan o nasawi sa insidente. Inaalam pa ang pinagmulan ng apoy.