ARESTADO ang pito katao sa magkakahiwalay na operasyon ng pulisya sa Quezon City.
Nahuli ng Novaliches Police sa buy-bust si Eric Guerra, 47, ng Caloocan City, alas-7 kagabi sa Quirino High-way kanto ng 9-Nightiangale, Brgy. Maligaya, Novaliches. Nakumpiska umano sa kanya ang 10 gramo ng shabu na nagkakahalaga ng P68,000.
Naaresto naman ng Batasan Police si Noli Sevilla Jr., 20, alas-4:30 ng hapon kahapon sa San Miguel Extn., Area A, Brgy. Payatas. Nakumpiska umano sa kanya ang P13,600 halaga ng shabu.
Nasakote rin nila si Jesse Villa, 34, ng Brgy. Holy Spirit alas- 2:30 ng hapon sa checkpoint sa kanto ng Nawasa Lane at Sampaguita, Brgy. Holy Spirit, matapos na walang maipakitang dokumento ng minamaneho nitong motorsiklo. Nang kapkapan ay nakuhanan umano ang suspek ng P10,200 halaga ng shabu.
Naaresto naman sa Cubao si Jerome Madeja, 25, alas-11:30 kagabi. Nakuhanan umano ito ng P500.
Nasakote naman ng Project 4 Police sa buy-bust sina Albert Diquito, 32, Roneil Lopez, 42, at Kwin Ravalo, 31, alas-4 ng hapon sa P. Tuazon Blvd kanto ng Kalantiyaw st., Brgy. Bagumbuhay, Project 4. Nakuhanan umano sila ng P24,500 halaga ng shabu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.