Sa isang pahayag, sinabi ng lokal na pamahalaan na bawal ding magtaas ng presyo ang mga crematorium simula noong Marso 12, nang ipatupad ang community quarantine.
Sa ilalim ng ordinansa, ang funeral parlor at crematorium na tatangging sunugin ang namatay sa COVID-19 ay magmumulta ng P5,000 bawat paglabag, at pagkansela ng business permit nito kung paulit-ulit ang paglabag.
“Under this Ordinance, funeral homes and crematoriums cannot reject remains of deceased COVID-19 patients due to fear of infection or other unjustifiable reasons,” ani Mayor Joy Belmonte.
Ang lokal na pamahalaan umano ang sasagot sa gastos sa cremation kung galing sa mahirap na pamilya ang nasawi.
Kung ang isang bangkay ay pinabayaan na ng pamilya, kukunin ng lokal na pamahalaan kustodiya nito upang ma-cremate.
Sa ilalim ng guidelines ng Department of Health dapat ay ma-cremate ang isang namatay sa COVID-19 sa loob ng 12 oras. Mayroong mga exemption na ibinigay para sa mga paniniwala laban sa pagsunog ng bangkay.