Lalaki binaril sa EDSA, patay

NASAWI ang isang lalaki ng pagbabarilin sa EDSA kanina sa Quezon City.

Nakilala ang biktima na si Jerry Peralta, 48, ng 2nd Midland Manor Ortigas Ave., Greenhills, San Juan City batay sa voter’s ID at UMId card na nakuha rito.

Naglalakad umano ang biktima sa northbound lane ng EDSA nang lapitan siya ng hindi nakilalang suspek na nakasakay ng motorsiklo sa tapat ng Activa Filinvest malapit sa Superlines bus terminal, Brgy. E. Rodriguez, Cubao.Bigla na lamang umanong binaril ng suspek ang biktima ala-1:40 ng hapon.

Hindi nakilala ang suspek na nakasuot ng helmet, jacket at maong na pantalon.