DAPAT umanong iurong na ang simula ng pasukan sa mga eskuwelahan para sa susunod na school year.
Ayon kay ACT-CIS Rep. Jocelyn Tulfo hindi na dapat ipilit ng Department of Education at Commission on Higher Education na buksan ang klase sa Hunyo at makabubuti kung ililipat ito ng Agosto at Setyembre.
“Mabuti nang nag-iingat at daig ng maagap ang masipag. Maraming eskuwelahan ang kinailangang gamitin bilang staging area, relief goods distribution center, o temporary community quarantine facility. Marapat lamang na malinis nang maigi ang bawat sulok ng mga paaralan,” ani Tulfo sa isang pahayag.
Naniniwala si Tulfo na hindi rin sapat ang isang linggong Brigada Eskuwela para maihanda ang mga paaralan sa pagbabalik ng mga estudyante dahil isang buwan ang kailangan para matiyak na ligtas na ang mga paaralan.
“The delayed opening in August and September would also give the national and local governments time to work out solutions to make sure every student who should be attending school this year will be able to, despite the economic dislocation resulting from COVID-19.”
Sinabi ni Tulfo na kakailanganin din ang tulong ng mga magulang na walang kita dahil sa quarantine at kailangang magbayad ng matrikula para makapag-aral ang kanilang mga anak.
“All the education agencies have existing electronic voucher systems. We may need to double or triple the funding for those education vouchers. We could also give food vouchers and transport fare vouchers,” saad ng lady solon. “It would be easy for families in financial distress because of COVID-19 to stop sending their kids to school. Government must assure them that they must keep their kids in school and government will be there to help because it is a must.”