4 huli, 100 gramo ng shabu nasamsam sa QC

ARESTADO ang tatlong lalaki at isang babae na nahulihan umano ng 100 gramo ng shabu sa isinagawang buy-bust operation sa Quezon City kaninang madaling araw.

Kinilala ang mga naaresto na sina Michael Macalma, Vanessa Bayani, at Allan Remolacio, mga taga-Brgy. Kaligayahan, at Michael Barriga, ng Brgy. Pasong Putik.

Nahuli ang mga suspek ala-1 ng umaga sa Malipaka st., Brgy Kaligayahan.

Narekober umano sa mga suspek ang walong sachect ng shabu na nagkakahalaga ng P680,000, isang .38 revolver, isang sumpak, at isang kotse (TGZ 866).