ARESTADO ang anim katao sa magkakahiwalay na drug operation sa Quezon City.
Naaresto ng Masambong Police sina Alberto Jagorin, 56, at Miko Edilor, 22, kapwa taga- Brgy. Baesa, alas-7 kagabi sa Mendez st., Brgy Baesa. Nakumpiska umano sa kanila ang limang gramo ng shabu na nagkakahalaga ng P34,000.
Hinuli naman ng mga tanod si Manuel Escamilla, 47, ng Brgy. Tatalon, ng pumunta ito sa Brgy. Sto. Domingo. Tinangka umano ng suspek na tumakas pero naabutan siya ng mga tanod at nakuhanan ng isang sachet ng shabu.
Nahuli naman ng Fairview Police sa buy-bust si Frederick Moises, 40, ng Brgy. Sta. Lucia, alas-8:30 kagabi sa T. Alonzo st., Brgy. Sta. Lucia. Nakumpiska umano sa kanya ang P47,600 halaga ng shabu.
Nasakote naman ng District Drug Enforcement Unit sa buybust operation si Jesus Buencamino, 35, ng Brgy Manresa, alas 8:30 kagabi sa kanto ng Mauban st., at Biak na Bato st., Brgy. Manresa. Nakuhanan umano siya ng pitong gram ng shabu na nagkakahalaga ng P47,600.
Tactical Motorized Unit naman ang humuli kay Gil Poblete, 34, ng Brgy. Commonwealth, alas-9 ng umaga kahapon sa IBP Road kanto ng Yellow Bell st., Brgy. Commonwealth. Nakuhanan umano siya ng isang sachet ng shabu.