MATATAPOS umano sa loob ng 10 araw ang pag-convert sa tatlong public building na gagamitin bilang health facilities kung saan dadalhin ang mga patients under investigation at patients under monitoring.
Ayon kay Department of Public Works and Highways Sec. Mark Villar mamadaliin ang paggawa sa Philippine International Convention Center Forum Halls, World Trade Center sa Pasay at Rizal Memorial Coliseum sa Manila.
“As most of health facilities in Metro Manila have reached or nearing maximum capacity, the immediate conversion of PICC Forum Halls will significantly provide an optimal isolation space for monitoring of people infected by COVID-19 virus. We want to decongest the hospitals,” ani Villar.
Ang DPWH, EEI at Villar Group of Companies ang gagawa ng conversion ng PICC Forum Halls na may laking 4,000 square meters.
“DPWH, EEI and Villar Group of Companies is working to accomplish the redesigning and conversion of Forum Halls 1 to 3 into COVID facility within two weeks period,” dagdag pa ni Villar.
Aabot sa 630 pasyente ang maaaring umukupa sa lugar na pangangasiwaan ng Department of Health.
Ang Ayala Development Corporation at Makati Development Corporation ang gagawa ng World Trade Center at ang Razon Group ang magko-convert sa Rizal Memorial Sports Complex partikular ang Ninoy Aquino Basketball Stadium.
Inatasan ng National Task Force Covid-19 ang DPWH na mag-accredit ng mga construction workers na gagawa sa tatlong pasilidad.
Ang mga construction workers ay bibigyan ng quarantine pass upang maging exempted sa home quarantine policy.