BUNTIS na nga ba ang misis ni Matteo Guidicelli na si Sarah Geronimo?
Yan ang tanong ng madlang pipol makalipas ang mahigit isang buwan ng kanilang pagsasama bilang mag-asawa.
Sinagot ni Matteo yan nang makausap ang kaibigan niyang Nico Bolzico, asawa ng Kapuso actress na si Solenn Heussaff.
Sa Facebook Live broadcast ng “One Voice Pilipinas” part 2, ang online fundraising campaign na pinangunahan ni Matteo, nakausap ng aktor si Nico at kinumusta ang pagiging tatay nito.
“It’s good. We take turns in taking care of Thylane. I think that’s one of the best things about this quarantine, we can spend time with Thylane,” sagot ng mister ni Solenn patungkol sa bagong silang nilang anak.
Nagsabi naman si Matteo na bigyan siya ni Nico ng ilang tips para maging mabuti at responsableng tatay.
“I’m pretty good at it. I’m a pro already. Two things: You let them be. You give them freedom to do whatever they want, whatever their passion is. And no boys allowed,” sagot ni Nico sabay tanong kay Matteo ng, “Is Sarah pregnant?”
Sabi ng singer-actor hindi pa raw buntis si Sarah at hindi naman daw nila minamadali ang magka-baby.
“Whatever God gives us, it would be amazing. As of now, we enjoy each other because this is the first time that we’re actually together after six years.
“It’s just one month that we’re married but every single day feels like a blessing, feels like a dream,” pahayag ni Matteo.
Ikinasal sina Sarah at Matteo nito lamang Feb. 20. Naging kontrobersyal pa ang kanilang “secret wedding” dahil sa pagsugod doon ng nanay ni Sarah na si Mommy Divine.