SINUSPINDE ng Civil Service Commission ang paghahain ng aplikasyon para sa Fire Officer Examination, Penology Officer Examination at Basic Competency on Local Treasury Examination.
Ang orihinal na schedule ng paghahain ng aplikasyon ay Marso 31-Abril 30.
“The application period has been suspended in view of the Enhanced Community Quarantine being implemented in Luzon, as well as the community quarantine in other localities in the country, due to the coronavirus disease-2019 or COVID-19 pandemic.”
Maglalabas umano ang CSC ng anunsyo sa kanilang website (www.csc.gov.ph) or on the CSC Facebook Page (www.facebook.com/civilservicegovph) at official Facebook pages ng CSC Regional Offices para sa update.
Ang FOE at POE ay second level eligibility na kailangan sa second level ranks ng promosyon sa BFP at BJMP.
Ang BCLTE ay Standardized Examination and Assessment para sa Local Treasury Service Program ng Department of Finance. Tinatawag itong Local Treasurer Eligibility, ang second level eligibility na kailangan ng mga Local Treasurer at Assistant Local Treasurer.