KAPWA inihayag nina Executive Secretary Salvado Medialdea at Presidential Security Group (PSG) Commander Colonel Jesus Durante III na negatibo ang resulta ng ginawang pagsusuri sa kanila kaugnay ng coronavirus disease (COVID-19).
“Yes. It’s negative po,” sabi ni Medialdea sa isang text message.
Tiniyak naman ni Medialdea na itutuloy niya ang kanyang self-quarantine kahit na nagnegatibo pa sa COVID-19.
Kapwa nakasalamuha nina Medialdea at Durante kasama si Pangulong Duterte at iba pang miyembro ng Gabinete ang isang pasyente na naunang nagpositibo sa COVID-19 matapos dumalo sa inspeksyon ng North Luzon Expressway (NLEX) Harbor Link Circumferential Road 3-Circumference 10 sa Caloocan City noong Marso 5, 2020.
Samantala, ikinatuwa naman ni Presidential Spokesperson at Chief Presidential Legal Counsel Salvador Panelo ang mabuting balita.
“We are glad to know that the two are healthy and were tested negative for COVID-19. They will continue to perform their respective duties in the service of the Filipino people,” sabi ni Panelo.