INANUNSYO ng National Collegiate Athletic Association (NCAA) nitong Lunes ang ‘indefinite suspension’ ng lahat ng mga events nito at ang posibilidad na biglaang pagtatapos ng 95th season bunga ng coronavirus disease 2019 (COVID-19).
Sa kanilang pahayag, sinabi ng NCAA Management Committee, na pinamunuan ng chairman nitong si Peter Cayco ng host Arellano University, na pangunahing hangarin nito ang kaligtasan at kapakanan ng mga estudyante, atleta, opisyales at tagahanga.
“Due to the declaration of the Department of Health of Red Alert Sub-Level 1, and the guidance issued by the Department of Education that concerns gatherings or out-of-school activities, all NCAA activities are hereby suspended until further notice,” ayon sa pahayag.
“The Policy Board is set to meet soon to discuss the possibility of postponing the games, or cancelling all together all games. The action of the NCAA is for the safety and welfare of the students, the athletes, the fans and the officials.”
Nitong Lunes ay mayroon ng 20 kumpirmadong kaso ng coronavirus, kabilang ang unang local transmission, matapos na ianunsyo ng Department of Health (DOH) sa 10 iba pang kaso.
Inilagay na rin ng Pangulong Rodrigo Duterte ang bansa sa state of public health emergency.