Roxanne napaiyak sa presscon dahil kay Al Tantay; na-miss ang yumaong ama

SA edad na 35, hindi naman nape-pressure ang singer-sexy actress na si Roxanne Barcelo pagdating sa pagkakaroon ng lovelife.

Tatlong taon nang single ang dalaga pero masaya niyang ibinalita sa ilang members ng entertainment media na may dine-date na siyang non-showbiz guy ngayon.

“Yes! I’ve always been ready naman to love,” ani Roxanne kasabay ng pakiusap na huwag muna siyang kulitin tungkol sa identity ng guy.

“Being single for three years, I’ve had very amazing moments of realizing na I can be single and happy at the same time. ‘Yung na-realize ko na I don’t actually need a partner to make me happy was the best experience of my life, na I can travel by myself, my friends can bring joy to me and I can bring joy to them, and my family has always been there for me.

“So, if anything, narealize ko during these times na wala man akong love life in the three years, you can actually experience life to the fullest pa rin being single,” lahad pa ng dalaga sa presscon ng latest iWant Original Series na “Fluid” kung saan makakasama niya si Joross Gamboa at Miss Globe 2015 titlist Ann Colis.

Dagdag pa niya, “Finding yourself again and again and again and again can be a tiring process, but once you do find yourself again… minsan kasi you get lost in a relationship e, ‘di ba? ‘Yung realization mo na, parang, ire-discover mo ‘yung sarili mo. Ang sarap din na process na bago mo kilalanin ‘yung ibang tao, kilalanin mo muna ‘yung sarili mo.”

Hindi naman daw siya na-trauma sa relasyon nila noon ng actor-model na si Wil Devaughn, “Wil naman and I have been, by choice, really good friends naman before and after the relationship. He’s actually… he looks like he’s very happy right now and I’m very happy for him. So hindi naman nakakapaso ‘yung relasyon na ‘yon. It’s just more of, parang, it was a relationship that I really enjoyed naman at the time.”

Samantala, sa iWant series na “Fluid” directed by Benedict Mique (nagdirek din ng MOMOL Nights) gagampanan ni Roxanne ang role ni Mitch, who figures in a love triangle with her cheating ex-boyfriend Jacob (Joross) and an out-and-proud, confident lesbian George (Ann). Kanino siya mas liligaya – sa tunay na lalaki o sa tibo?

“First time ko talaga to do a role like this and sobra siyang challenging, even before saying yes to the project. As in, from the start to finish, I was really on my toes the whole time. More than kaba, it was really like unsure ako. Like, ‘Paano ba ‘to? Ano ba ‘to?’ Ang dami kong mga tanong kay direk even before starting this project.

“But thank goodness na it’s with Direk Benedict. As in, hands down, one of the best directors I’ve ever worked with. This is sumatutal ng work life ko. He is really one of the most amazing directors I’ve worked with. Very unique si direk as a director. Masasabi ko na kinalimutan ko talaga ‘yung sarili ko as Roxanne for this one,” aniya pa.

“You really have to watch kung ano ba ‘yung naramdaman ni Mitch as a girl who has gone through so much heartbreak, napagod na magmahal, ayaw na sa lalaki. Ayaw na niya na masaktan. Ayaw na niyang maloko,” chika pa ni Roxanne.

Samantala, naiyak naman ang sexy actress habang ikinukuwento ang isang madamdaming eksena nila ni Al Tantay sa “Fluid” na gumaganap na tatay niya sa serye.

“A scene last night na kinunan. Ang bait talaga ni direk. I can say na ‘yung pulso ko as an actor and as a person, feeling ko nahuli niya ‘yung kiliti ko, kasi ‘yung eksena was with me and direk Al Tantay as my father.

“Sa dami ng scenes namin, doon ko talaga masasabi na, shocks, more than my director, I think he’s my friend. Masyadong malapit sa akin ‘yung dad ko rito, and in real life, alam niyo naman na I’m super close to my dad. So, in how many months, since June of last year, kagabi lang ako naka-akap talaga ng almost like my dad,” lahad pa niya.

Miss na miss na raw ni Roxanne ang kanyang amang si Antonio Barcelo na pumanaw last year matapos ma-stroke.