ISANG mananaya sa Cavite ang nanalo ng P8.9 milyong jackpot prize ng MegaLotto 6/45 na binola Biyernes ng gabi.
Wala namang tumama sa P270.3 milyong jackpot prize ng UltraLotto 6/58.
Ayon sa Philippine Charity Sweepstakes Office ang naka-jackpot sa MegaLotto ay tumaya sa Brgy. Manggahan, Gen. Trias. Siya ang nakakuha ng winning number combination na 11-32-34-36-19-40.
Nanalo naman ng tig-P50,000 ang 10 mananaya na nakalimang numero. Tig-P1,150 naman ang 421 mananaya na nakaapat na numero at balik ang P24 taya ng 8,144 mananaya na nakatatlong numero.
Samantala, wala namang nakakuha sa winning number combination na 26-53-10-24-49-12 sa bola ng UltraLotto.
Hindi nakuha ang P270.3 milyong jackpot prize na posibleng umabot sa P275 milyon sa bola ngayong Linggo ng gabi.
Nanalo naman ng tig-P166,580 ang 13 mananaya na nakalimang numero. Tig-P1,380 naman ang 1,247 mananaya na nakaapat na numero at balik ang P24 taya ng 27,217 mananaya na nakatatlong numero.
Ang premyo na mahigit P10,000 ay pinapatawan ng 20 porsyentong buwis.