NAPASABAK si Coney Reyes sa usung-uso ngayong Tik Tok Challenge!
Siyempre, mas sanay ang mga tao sa pagiging prim and proper ni Coney, huh! Ang image niya ay parang istrikto at sobrang conservative.
Pero huwag nating kalimutan na nanggaling din siya sa longest-running noontime show sa bansa na Eat Bulaga kaya siguradong game rin siya sa mga practical jokes at iba pang kalokohan!
Sa Instagram video ni Carla Abellana, naka-post ang video ng Tik Tok nina Coney, Samantha Lopez at Rhian Ramos na kuha sa taping ng Kapuso series na Love of My Life.
Simpleng dance moves lang naman ang ginawa ng tatlo pero aliw na aliw ang mga netizens sa pagsabay sa uso ng magaling na aktres.
Pramis ni Carla, makikisabay siya sa kanyang mga co-stars serye sa next Tik Toking challenge.
Samantala, sa nakaraang episode ng Love of My Life, nakaaantig ang eksena kung saan namatay na ang character ni Tom Rodriguez bilang asawa ni Carla.
Hindi lang ang husay ni Coney ang lumutang sa nasabing TV series kungdi maging sina Carla at Mikael Daez, huh!
No wonder, patuloy ang paghataw sa ratings ng Love of My Life dahil sa kakaibang kuwento nito at magagaling na artista!
* * *
* * *