NABUHAYAN ng loob ang lahat ng manggagawa ng ABS-CBN nang tanggapin ni Presidente Rodrigo Duterte ang paghingi ng sorry Mr. Carlo Lopez Katigbak, Presidente at Chief Operation Officer ng network.
Nitong Huwebes ay nagpahayag na rin ng suporta si Davao City Mayor Sara Duterte sa renewal ng prangkisa ng ABS-CBN.
Sa panayam kay Mayor Sara sinabi nitong agree siya sa pagbibigay ng isa pang pagkakataon sa network, “Davao City fully supports ABS-CBN sa kanila na pagpapa-renew ng kanilang franchise.
“And of course, malaki rin ang suporta ng ABS-CBN sa Davao City at sa buong bansa. So hopefully, ma-resolve in a positive way ang issue ng franchise ng ABS-CBN,” dagdag ng alkalde.
Ipinost naman ni TV Patrol news anchor Julius Babao ang panayam kay Mayor Sara sa social media na ni-like ng aktres na si Angel Locsin kasabay ng pagpapasalamat nila kay Inday Sara.
Komento ni Angel, “Thank you Mayora Sara.”
Samantala, kinlaro naman ni Justice Secretary Menardo Guevarra na hanggang Mayo 4, 2020 pa ang prangkisa ng ABS-CBN at hindi tulad ng nasulat na hanggang Marso 30 na lang.