Negosyante tinodas, kagawad arestado

ARESTADO ang isang barangay kagawad matapos nitong mapatay sa barilan ang isang negosyante, sa Calaca, Batangas, Martes ng hapon.

Dead on arrival sa ospital ang negosyanteng si Reymundo Endozo, 36, residente ng Brgy. Sinisian, ayon sa ulat ng Batangas provincial police.

Naaresto naman si Manuel Del Rosario, kagawad ng Brgy. Caluangan, sa follow-up operation.

Naganap ang insidente dakong ala-1:30, sa Brgy. Sinisian.

Nasa isang gasolinahan noon si Del Rosario nang dumating si Endozo at bigla umano siyang sinuntok sa likod ng ulo, ayon sa ulat.

Nanakbo ang kagawad matapos makipagpambuno, pero sinundan ni Endozo na noo’y may dalang baril.

Kasunod nito’y nagbarilan na ang dalawa at doon tinamaan at napatay si Endozo, ayon sa pulisya.