JANNO GIBBS
HUMINGI ng sorry si Janno Gibbs kina Jennylyn Mercado at Dennis Trillo.
Ito’y matapos mag-no show ang singer-comedian sa “CoLove Live” concert ng Kapuso couple nitong nagdaang weekend.
Isa si Janno sa mga naimbitahang special guests sa kauna-unahang Valentine concert nina Jennylyn at Dennis na ginanap sa New Frontier Theater. Pero bigla ngang nagpasabi si Janno na hindi makakarating for emergency reasons.
Ilan sa mga naki-join sa “CoLove Live” nina Jen at Dennis sina Nar Cabico, Asia’s Multimedia Star Alden Richards, Nico Antonio, Juan Miguel Severo, Jay Durias, Nyoy Volante, Carlo Aquino, JK Labajo at Alex Gonzaga.
Sa kanyang Instagram account, nag-post si Janno ng kanyang mensahe para sa Kapuso power couple kasabay ng paghingi ng paumanhin sa hindi niya pagdating.
“First of all..Congrats JenDen for a sold out successful concert! I would like to publicly apologize for not making it to the concert. Was excited to be part of this milestone. Unfortunately, I had been shooting 2 movies at the same time..which resulted to my getting sick.
“I called Jennylyn 2 days before the show..saying I don’t have the voice to sing our duet. Again so sorry to JenDen and their audience for my absence,” pahayag ni Janno.