ISANG mananaya sa Davao del Norte ang nanalo ng P36.6 milyong jackpot prize ng Lotto 6/42 sa bola Huwebes ng gabi.
Ayon sa Philippine Charity Sweepstakes Office ang nanalo ay tumaya sa Tagum City. Siya ang nag-iisang nakakuha ng winning number combination na 15-27-36-08-41-11.
Nanalo naman ng tig-P25,000 ang 25 mananaya na nakalimang numero.
Tig-P540 naman ang 1,265 mananaya na nakaapat na numero at balik ang P24 taya ng 21,399 mananaya na nakatatlong numero.
Ang 6/42 ay binobola tuwing Martes, Huwebes at Sabado.
Ang premyo na mahigit P10,000 ay pinapatawan ng 20 porsyentong buwis.
MOST READ
LATEST STORIES