BIRTHDAY na ni Kris Aquino sa February 14. Ipinanganak siya sa mismong Araw Ng Mga Puso. Pero hindi maligaya ang kanyang puso.
Sa kanyang mga anak at kapamilya lang humuhugot ng kaligayahan ang aktres-TV host dahil mailap sa kanya ang lalaking magbibigay talaga sa kanya ng kaligayahan.
Maraming beses na siyang nagtangka, pero palagi siyang bigo, mabuti na lang at may naiwang alaala sa kanya ang pakikipagrelasyon kina Joshua at Bimby na balon ng kanyang kaligayahan ngayon bilang ina.
Mahirap makahanap ng magiging karelasyon si Kris dahil sa kanyang estado. Mula siya sa angkan ng mayaman, sikat pa siya, kailangang halos kaestado rin niya ang magtatangkang makuha ang kanyang pagmamahal.
Sabi nga ni prop sa minsang pagkukuwentuhan namin, “Hindi talaga ibibigay sa isang tao lang ang lahat-lahat ng biyaya. Sikat si Kris, milyonarya, pero may kulang sa kanya!
“Tapos, pinoproblema pa niya ngayon ang health niya, malaki na ang nauubos niya sa pagpapagamot, pero hindi pa rin siya totally magaling.
“Balanse pa rin ang kapalaran. Maraming hindi sikat at mahirap, pero ang sasaya nila,” pabuntong-hingingang komento ni prop.
Oo nga naman.