DEREK RAMSAY AT ANDREA TORRES
Going strong na talaga ang relasyon ng Kapuso couple na sina Andrea Torres and Derek Ramsay.
Nagsimulang magkamabutihan ang dalawa sa pinagbidahang primetime soap na The Better Woman at kahit natapos na ang serye, tuloy pa rin ang pagpapakilig nila sa kanilang fans.
At ngayong opisyal na couple na sila, may regalo sina Andrea at Derek para sa kanilang fans! Inilunsad nila ang kanilang YouTube channel kung saan ibabahagi nila ang kanilang journey bilang couple. Ang kauna-unahang video ay tinawag na Andrek vlog na nagpakita ng kanilang 2019 highlights.
Very soon ay mapapanood uli ang AnDrek sa isang GMA show na pinamagatang Sanggang Dikit. Inaasahan din na sa kasalan na mauuwi ang pagmamahalan ng dalawa.