BOOBAY AT TEKLA
TULUY-TULOY ang winning moments ng favorite tambayan n’yo tuwing Sunday night, ang The Boobay And Tekla Show sa GMA 7.
Ngayong love month, hindi lang pagmamahal ang handog ng comic duo na sina Boobay at Super Tekla sa lahat ng adik sa TBATS, siyempre, magpapasabog din sila ng fun entertainment at bonggang katatawanan.
Unang dapat abangan ang pagrampa ng mga Kapuso hunks sa TBATS stage. Ang tatlong gaganap na sundalo sa pinakaaabangang primetime series na Descendants of the Sun ang mag-o-open ng show with the latest dance craze – sina Prince Clemente, Jon Lucas at Paul Salas.
Bukod sa paghataw sa sayawan, maglalaban-laban din sila sa “The Whisper Challenge.” Ang matatalo ay haharap sa mga nakakalokang consequence na siguradong ikahahagalpak ng kanilang mga fans at ng manonood.
Sa “Pranking in Tandem” naman, eeksena ang Kapuso actress na si Rhian Ramos na magpapakakontrabida sa inaabangang hidden camera segment na ito kasama sina Boobay at Tekla. Ang biktma, isang warehouse repacking volunteer! Kayanin kaya niya ang mga pasabog ni Rhian?
Another hilarious edition of “TBATS on the Street” awaits our viewers as Boobay and Tekla get to teach male pedestrians how to speak gay words and phrases.
At siyempre, tulad ng ni-request n’yo, muling magpapakita ang paranormal investigator na si Ed Maluwag para sa isa na namang parody segment ng TBATS. Iimbestigahan niya ang White Lady na nagpapakita diumano sa isang abandonadong building. Si Tekla ang gaganap na White habang si Boobay ang magiging investigative TV reporter.
Lahat ‘yan ay mapapanood sa The Boobay And Tekla Show ngayong gabi after Kapuso Mo, Jessica Soho sa GMA 7 lang. Siyanga pala, patuloy na namamayagpag sa ratings game ang TBATS kaya naman mas lalo pang nai-inspire ngayong sina Tekla at Boobay na magpasaya at magpasabog ng good vibes.