GERALD SIBAYAN AT AI AI DELAS ALAS
IBINANDERA ng Comedy Concert Queen na si Ai Ai delas Alas sa madlang pipol na may mga taong gustong umagaw sa asawa niya.
Sa kanyang mahabang Instagram post, ibinuking ng komedyana ang natuklasan niya tungkol sa mga babaeng lumalandi at nakikipag-flirt kay Gerald Sibayan.
Sa nasabing IG post, bukod sa pagpaparamdam ni Ai Ai ng kanyang pagmamahal kay Gerald, nagpasalamat din siya sa lahat ng blessing na kanyang natatanggap, sa kabila ng mga challenges na hinaharap niya at ng asawa.
“Good morning. Be thankful in all circumstances kaya thank you lord sa isang blessing na naman nagising ako at nag airfry ng food ko si darl.
“And if may time kayo pwede din tayong mag simba araw araw, sabi nga si Bro. Alvin sa the feast pag nagsisimba ba araw araw lalampas sa langit? Natawa ko sa sinabi nya TAYO DAW NANOOD NG TV ARAW ARAW LUMAMPAS BA TAYO SA TV? Hehe oo nga naman.
“Maraming form ng blessings and isa ito sa simple pero napakasaya sa puso.
“PS: dedicate ko ang post na to sa mga pookersyang gusto agawin ang asawa ko, ‘wag ng umasa may nanalo na—-AKO!!!! Uwi na at manahimik sa mga bahay nyo hahaha #nohatejustlove #wagmaiingitcountyourblessings #behappy #bethankful #godisgoodallthetime.”