HINDI na pala itinuturing na idolo ngayon ng isang singer-actress ang isang female personality na sumikat nang todo nu’ng kanyang kapanahunan.
Sayang na paghanga, bata pa lang ang singer-actress ay tutok na tutok na ang kanyang panahon para sa female personality na idolo nila ng kanyang ina, pero ngayon ay bumitiw na siya.
Kuwento ng isang source, “Talagang bumitiw na siya, hindi na niya idolo si ____ (pangalan ng babaeng personalidad)! Hinding-hindi na niya talaga hahangaan ang female personality na nagpasigla sa kanyang kabataan!”
Ang dahilan, datung, gumanda kasi ang buhay ng singer-actress, nagkita sila ng kanyang idolo sa isang okasyon at nagkakuwentuhan sila, sa ganu’n lang nagsimula ang kanilang pagkakaibigan.
Kuwento uli ng aming impormante, “After a few days, tumawag sa kanya ang idolo niya nang pamadaling-araw na. Humihingi sa kanya ng pabor si idol, kung puwede raw, e, pahiramin siya nang fifty thousand.
“Oo naman, ganu’n agad ang sagot ni singer-actress, parang malaking karangalan pa para sa kanya ang utangan ng idolo niya! At siya pa ang nagpadala ng datung sa driver niya!
“Ilang araw na hindi tumawag o nag-text sa kanya ang female personality, pero isang gabi, e, tumawag na naman! One hundred thousand na ang kailangan ng idol niya!
“Ipinadala niya na naman ang datung sa dribam niya, ganu’n na ganu’n talaga, siya pa ang nagpapadala ng pera sa nangungutang niyang idolo!” napapailing pang kuwento ng aming source.
Pero nakahalata na ang singer-actress, tinatawagan lang siya ng kanyang idolo kapag mangungutang, kaya nang sumunod na tumawag ang female personality ay hindi na niya ito sinagot pa uli.
“Nakakaloka! Malaking abala ang ginawa sa kanya ng idolo niya! Kinailangan niyang magpalit ng number dahil tawag nang tawag ang idolo niya sa kanya!
“Ngayon, kapag binanggit mo kay singer-actress ang pangalan ng female personality, e, napapasigaw siya! ‘Never again!’ ‘yun ang reaction niya!
“Huli na niyang nalaman na sa casino pala dinadala ng driver niya ang datung na inuutang sa kanya ng idolo niya! Alam na this!” pagtatapos ng aming source.
Bradly Guevarra, Tita Nene Ulanday, Jon at Ching Bautista Silverio, alam n’yo na rin this! Bigay na bigay na!